17 Temmuz 2018 Salı

Yeni Airbus A220




Keçdiyimiz günlərdə, Avropalı təyyarə istehsalçısı Airbusın, Kanadalı təyyarə və qatar istehsalçısı Bombardier tərəfindən hazırlanan CSeries təyyarəsinin istehsal proqramını satın almasının ardından bazara təqdim edilən ilk məhsulu – Airbus A220 
Airbusın Toulouse şəhərindəki təsislərində təşkil edilən mərasimlə, A220-300 tipli təyyarə, yeni görünüşüylə ictimaiyyətə təqdim olundu. A220-300 əslində, Bombardier CS300 tipli təyyarənin yeni adıdır. Eynilə, CS100 adı A220-100 ilə əvəz edilmişdir. 
100-150 oturacaq tutumu seqmentində iştirak edən A220-100 və A220-300 tipli təyyarələrin, Airbusın mövcud A320 ailəsinə böyük dəstək verəcəyi təxmin edilir. (A220-100-ün standart oturacaq tutumu 110, A220-300-ün isə 130-dur) 
A220-300-ün ilk sifarişi(60 ədəd) isə Amerikalı hava yolu JetBluedan gəldi. JetBlue yeni A220-ləri, filosundakı mövcud Embraer E190 tipli təyyarələrin yerinə istifadə edəcək. 
Xatırladığımız kimi, Airbus ilə Bombardier ortaqlıq mövzusunda, 2017-ci ilin oktyabr ayında razılaşmışdı. 1 iyul 2018-ci il tarixindən rəsmi olaraq başlayan, ortaqlıq çərçivəsində Airbus, tam adı CSeries Aircraft Limited Partnership olan şirkətin 50,01 faizlik hissəsinin sahibi oldu. Buna qarşılıq olaraq, şirkətin 31 faiz nisbətindəki hissəsi yenə, Bombardierin portfelində qalmağa davam edəcək.
- Hiç yorum yok:

THY Airbus A321neo tipli ilk təyyarəsini təslim aldı




THY 5 il əvvəl ki, sifarişinin çox böyük bir hissəsini təşkil edən A321neoların ilkini 13 iyul tarixində təslim aldı. Airbusın Hamburgdakı təsislərindən günorta saatlarında qalxan TC-LSA quyruq qeydiyyatından keçmiş təyyarə, 2 saat 41 dəqiqəlik bir uçuşdan sonra, saat 15:07-də İstanbul Atatürk Havalımanına eniş etdi. THY-nın təslim aldığı, A321neonun ən əhəmiyyətli xüsusiyyəti, "Cabin Flex" şəklində adlandırılan kabin konsepsiyasıdır. Həmçinin, A321neo, əvvəl ki model A321 ilə müqayisədə, ən nəzərəçarpan dəyişiklik arxa hissədə və sərnişin qapısında görülür. A321 konfiqurasiyasında qanadın ön tərəfində olan təcili çıxış qapıları bu hissədən götürüldü və A321neoda, gövdə ortasına bərabər gələn xəttə, qanad üstünə yerləşdirilib. Hal-hazırda istəyə uyğun olaraq təqdim edilən, Cabin Flex konfiqurasiyalı A321neonun, 2020-ci ilə doğru bütün A321neo'lar üçün standart olması planlaşdırılır.

Təyyarə tamamilə Economy Class olaraq təşkil edildiyindən, 244 oturacaq tutumuna sahibdir. THY-nın A321neonun 2 fərqli oturacaq konfiqurasiyası olacaq. 92 ədədlik sifarişin 40 dənəsi 182 oturacaq (20 Business + 162 Economy Class) və 52 dənəsi 190 oturacaq (16 Business + 174 Economy Class) tutumuna sahib olacaq. A321neo eyni zamanda, THY filosunda internet sistemi olan ilk dar gövdəli təyyarə olma xüsusiyyətini daşıyır.
- Hiç yorum yok:

Смотри, в твоих облаках летят мои самолеты😉







- Hiç yorum yok:

Hava limanında mürgüləmək məkanları və qiymətləri



Bir insanın ən təməl ehtiyaclarından biri yemək yeməkdirsə, digəri də dincəlməkdir. Bütün hər şey bunun üzərində qurulmuşdur. Təyyarənizi gözləyən zaman hava limanında edəcəkləriniz isə məhduddur. Kafeterya da oturmaq, boş gözlərlə Duty- free mağazalarını gəzmək, narahat oturacaqlarda digər sərnişinlər ilə oturmaq... Təbii ki tranzit reysi olan, təyyarəsi təxirə salınmış bir sərnişin və ya növbətisəfərinə bir neçə saatı qalan təyyarə bələdçisi, kokpit personalı olmaq da var.
Bəs bu boş zamanımızı necə dəyərləndirə bilərik?
Evdə olduğumuz kimi dincələ bilsək, evdə ki, kimi ayrıca bir yerimiz olsa, yatağımıza uzansaq, ayaqlarımızı uzatsaq, qarşımızda da bir televizor.. Ya da başa çatdırılması vacib olan bir işi səssiz bir mühitdə iş masasında bitirsək, bundan əlavə hətta duş ala bilsək. Bir sözlə bütün bir ev komfortunu yaşasaq.. Məhz elə bu nöqtədə dizaynerlərin ağlına fikir gəldi. 
Niyə uzun müddət gözləməli məkanlarda bu sistemi tətbiq etməyək?

Hava limanında mürgüləmək məkanları və qiymətləri.
YOTEL - İngiltərədə, London Heathrow və Gatwick, Hollandiyada Amsterdam Schiphol havalimanlarında 2007-dən bəri xidmət etməkdədir. Standart, premium və premium-twin olmaqla üç fərqli otaq tipi mövcuddur. Standart və premium otaqların 1 nəfər üçün gecəlik qiyməti 100 USD ilə 170 USD arası dəyişərkən, 4 saat qalmanın əvəzi isə 65 USD edir.
YOTEL Standart Otaq: 1 nəfərlik yataq, duş, ayaqyolu, iş masası, limitsiz internet
YOTEL Premium Otaq: 2 nəfərlik yataq, duş, ayaqyolu, iş masası, televiziya, internet, çamadan şkafı
YOTEL Premium-Twin Otaq: 2 nəfərlik ranza çarpayı, duş, ayaqyolu, iş masası, televiziya, internet, çamadan şkafı mövcuddur.

Napcabs - 2008-ci ilin avqustunda Münhen Aeroportu Terminal 2-də, çıxış qapısının düz yanındakı uzun zalında xidmətə keçmişdir. Kabində bir yataq, sensor ekran televizor və əyləncə sistemi, kiçik bir masa, internet və adepter cihazı var. Saatlıq ödənişi gündüz 15 EUR, gecə isə 10 EUR-dur. 



Sleepbox - Moskva Sheremetyevo və Paris Charle de Gaulle hava limanlarında xidmət edən, 2009-cu ildə Rus memarları Goryainov A. və Krymov M. tərəfindən dizayn edilmişdir. 3,75 kvadrat m-lik sahədə ventilyasiya sistemi, səsli siqnalizasiya sistemi, LCD televiziya, laptop üçün soket və telefonu şarj edə bilmə imkanı, yatağın altında çamadanı qoymaq üçün yerdə mövcuddur.




Minute Suites - İlk olaraq, noyabr 2009-da Atlanta HARTSFIELD-Jackson hava limanı və daha sonra Aprel 2011-ci ildə Philadelphia hava limanında xidmətə başlamışdır. Otaqlarda divan, yastıq, ədyal və iş masası var. Ayrıca hər otaqda səs-küy səviyyəsini də məhdudlaşdıran sistemdə var. Televizor, internet və uçuş saatını xəbər verən sistem ilə müştərilərin hər ehtiyacı düşünülüb. Qiymətlər isə, minimum 1 saatı 30USD. Hər 15 dəqiqə əlavə olaraq 7.5USD tələb olunur. Bir gecə qalmaq 120USD. Kabin və kokpit personalı üçün əlavə endirim təqdim olunur.

- Hiç yorum yok:

Turkish Stars & Soloturk (Baku, Azerbaijan)







- Hiç yorum yok:

Airbus A380-lər parçalara ayrılaraq satılacaq...




Bir airbuscı olaraq, bu xəbəri hazırlamaq elə də asan olmadı. Xüsusilə də, əgər söhbət A380-lərdən gedirsə… 
İlk dəfə, 2007-ci ildə Singapore Airlines flotunda xidmətə daxil edilən və 10 illik icarə müddətinin ardından şirkət tərəfindən, lizinq firmasına geri qayıdan, ilk iki A380-ə heç cürə alıcı tapılmadığından, bu təyyarələrin hissələrinin satılmasına qərar verildi.

Xatırladığınız kimi, 9V-SKA (MSN003) və 9V-SKB(MSN005) qeydiyyatlı təyyarələr, ”mühərrikləri sökülərək”, Fransanın Pirenelər yaxınlığındakı Tarbes-Loudres-Pyreenes Hava limanına qoyulmuşdu. (MSN 001, 002 və 004, Airbus-ın test təyyarələri idi) Sözü gedən təyyarələr hal-hazırda, Dr. Peters Group şirkətinin nəznindədir.

British Airways , HiFly və Iran Air-la icarə barəsində edilən danışıqlardan bir nəticə əldə edilmədiyindən, bu iki nəhəng təyyarə üçün bird aha səmaya qalxmanın mümkünsüzlüyü təsdiqlənmiş oldu.

İlk mərhələdə, təyyarələrin avionika sistəmlərinin və şassi təkərlərinin satılması gözlənilir. Rolls Royce Trent 900 tipli ümumilikdə 8 ədəd mühərrik isə, artıq müxtəlif şirkətlərə icarəyə verilib. Bundan başqa, Dr.Peters Group nəznindəki, digər A380-lərdən 2 ədədinin, “wet-lease” əməliyyat aparan, yəni flotundakı təyyarələri kabin və cockpit heyyətləri ilə birlikdə icarəyə götürmə sistemi üzrə işləyən və Lissabonda yerləşən HiFly adlı şirkət tərəfindən icarəyə götürələcəyi və bu ilin sonuna doğru səfərlərə başlayacağı, gəzən şayiələrin arasındadır. Amma hər nə olursa-olsun, aviasiya bazarına son dərəcə iddiali daxil olan və hələ 10-cu ilini yenicə tamamlayan iri gövdəli bir təyyarənin bu cür bir sonla üzləşməsi, həqiqətəndə dəhşətli bir səhnədir. Bu xəbər həmçinin günümüzdə A380 üçün yeni sifarişlər almaqda çətinliklərlə üzləşən, Airbus üçün də motivasiya enməsindən başqa bir şey deyil.

2018-ci ildə həmçinin sadəcə Singapore Airlines-in deyil, Emirates və Qantas-ın flotunda yer alan çox sayda A380-nin 10 illik icarə müddəti bitmək üzrədir. Bu il ərzində, taleyinin nə olacağı hələ də bilinməyən 14 ədəd A380 var. Bu təyyarələr “mövcud hava yollarında xidmət göstərməyə davam edəcəkmi, yoxsa yox?” bu sualın cavabını qarşımızdakı aylar ərzində biləcəyik.
- Hiç yorum yok:

"Ağ təyyarə" mahnısı yerinə düşər, deyə düşünürəm...




- Hiç yorum yok:

⭐Любовь к самолётам начинается с GYD⭐




- Hiç yorum yok:

11 Haziran 2018 Pazartesi

Pəncərədəki dəliyin sirri...



Yəqin ki, bütün təyyarə pəncərələrinin alt hissəsində yerləşən kiçik dəlik diqqətinizi cəlb edib. Təyyarə yerdən yüksəldikcə, həm kabin daxilində, həm xaricində təzyiq düşür. Kabinanın xaricindəki təzyiq düşgüsü, daxilindəkindən xeyli çoxdur. Bu təzyiq fərqi pəncərənin alt hissəsində yerləşən və “nəfəs dəliyi“ adı verilən kiçik dəliklə tarazlanır. Bu səbəbdən də bu kiçik dəlik, təyyarə təhlükəsizliyi baxımından çox böyük önəm daşıyır.
Təyyarə pəncərələri 3 qatdan ibarətdir. Orta qatda yerləşən nəfəs dəliyi, xarici və daxili qatlar arasındakı nəmi alır. Bundan əlavə pəncərədə don və duman yaranmasının qarşısını alır. Bu isə o deməkdir ki, əgər yerdən 10 minlərlə metr yüksəklikdə uçan zaman, səmanı və buludları görə biliriksə, bunun səbəbi məhz bu kiçik dəlikdir.
Əgər bundan sonra ki, növbəti səfərlərinizdə daha diqqətlə baxsaz, yüksək hündürlüklərdə uçuş zamanı həmin dəliyin ətrafında göz oxşayan donma izlərini (buz) görə bilərsiniz. Dəlik ətrafındakı bu don izləri, kabin daxilindəki havanın, soyuq pəncərə səthi ilə təması zamanı yaranır. Bu izlər, pəncərə temperaturundan, kabin havasının rütubətindən və dəlikdən keçən havanın miqdarından asılıdır.



- Hiç yorum yok:

9 Haziran 2018 Cumartesi

Təyyarədəki qulaqcıqlar niyə cüt girişlidir?



Bəli, bu gün hamının marağında olan bir mövzuya toxunacam. Təyyarədə verilən, qulaqcıqlar cüt girişli olur. Hətta, biznes sinifdəki qulaqcıqlar üç girişlidir. Bunun niyə belə tətbiq edildiyini bilirsinizmi? İlk olaraq, ağla “təyyarədən oğurlanmasının qarşısını almaq” gəlsə də əslində cüt və ya üçlü girişin məqsədi tam fərqlidir. Bu maraqlı sualın cavabı isə belədir:
Artıq, təyyarədəsiniz və uçuş boyu hansı filmi izləsəm deyə ağlınızdan keçirirsiniz. Oturacağınızda bir plastik paketdə "cüt girişli" qulaqcıq sizi qarşılayır və ya təyyarə bələdçisi uçuşdan əvvəl və uçuş əsnasında istifadə edəcəyiniz “amenity kit” ilə birlikdə qulaqcıq paylayır. Qulaqcıqların cüt və ya üçlü girişli olmasının əsas məqsədi, uçuş təhlükəsizliyi üçün edilən anonsu sərnişinə çatdırılmasını təmin etməkdir. Aviasiya qaydalarına əsasən, təyyarədə uçuşdan əvvəl sərnişinlərə, fövqəladə vəziyyətlərdə nə ediləcəyi haqqında məlumat izah edilməlidir. Bu məlumatlandırma, bələdçilər tərəfindən edildiyi kimi, eləcə də aviaşirkətlər tərəfindən hazırlanan videolarda da öz əksini tapır. Köhnə təyyarələrdə kabin əyləncə sistemində, anons bəzən dinlədiyiniz musiqi və ya film kanalındakı səsi kəsə bilmirdi. Buna görə də cüt girişli qulaqcıqlar ilə anons sərnişinə heç problem olmadan çatdırılmasına hədəflənmişdi. Hal-hazırkı, təyyarələrdə isə kabin içi əyləncə sistemləri çox inkişaf etmişdir. Təyyarədə anons edildiyi an, əyləncə sistemi avtomatik olaraq dayanır. Anonsu bitməsiylə, yenidən başlayır. Yəni, artıq bu cür cüt girişli qulaqcıqlara bir ehtiyyac qalmır. Amma, yenə də aviasiyanın bütünü, bir-birinə dəstək verən ehtiyyat sistemlərdən ibarətdir.
Təyyarə oturacaqlarına, qulaqcıq girişinin qoyulmağa başlandığı illərdə, qulaqcıqlar həyatımızın bir o qədər də parçası deyildi. Sərnişinlər, təyyarədə paylanan qulaqcıqları ümumiyyətlə geri vermək istəməzdi. Əvvəl ki, illərdə bu qulaqcıqların süngəri dəyişdirilib təkrar paylanılırdı. Hava yolları qulaqcıqların oğurlanmasının qarşısını almaq üçün, cüt girişliləri seçərdi. Beləliklə, işlənən bir qulaqcığı yenidən istifadə etmək mümkün olmazdı.
- Hiç yorum yok:

80 illik yubileyimiz mübarək olsun!







Mülki Aviasiya işçilərinin peşə bayramını ürəkdən təbrik edir və bu sahənin bir üzvi olmaqdan qürur duyuram!
80 illik yubileyimiz mübarək olsun! 

Azerbaijan Airlines - AZAL - Airbus A320 
Photo by me / Canon EOS 60D

- 1 yorum:
Kaydol: Kayıtlar (Atom)

Yeni Airbus A220

Keçdiyimiz günlərdə, Avropalı təyyarə istehsalçısı Airbusın, Kanadalı təyyarə və qatar istehsalçısı Bombardier tərəfindən hazırlanan C...